എരുമപ്പെട്ടി: എരുമപ്പെട്ടി കുന്നത്തേരി പതിയാരം യൂത്ത്‌കോണ്‍ഗ്രസ് കമ്മിറ്റിയുടെ നേതൃത്വത്തില്‍ ഉന്നത വിജയം നേടിയ വിദ്യാര്‍ഥികള്‍ക്ക് അനുമോദനവും പഠനോപകരണ വിതരണവും സംഘടിപ്പിച്ചു. ഡി സി സി സെക്രട്ടറി എ.പ്രസാദ് ഉദ്ഘാടനം ചെയ്തു. യൂത്ത്‌കോണ്‍ഗ്രസ് മണ്ഡലം പ്രസിഡന്റ് എം.എം.നിഷാദ് അധ്യക്ഷനായി. എസ്.എസ്.എല്‍.സി പരീക്ഷയില്‍ മുഴുവന്‍ വിഷയത്തിലും എ പ്ലസ് നേടിയ മേരിജോഹന്‍ ബെര്‍ണാള്‍ഡിനേയും പ്ലസ്ടു പരീക്ഷയില്‍ എ പ്ലസ് നേടിയ എം.ജെ. മെല്‍വിന്‍, ഷിഫാന എന്നിവരേയും ഉപഹാരം നല്‍കി അനുമോദിച്ചു.
വിജയിച്ച മേഖലയിലെ മുഴുവന്‍ വിദ്യാര്‍ഥികള്‍ക്കും ഉപഹാരം നല്‍കി. ദേശീയ കായികതാരങ്ങളായ എരുമപ്പെട്ടി ഗവ: ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥികളായ ജംഷീല, അജ്മല്‍, ഫെമിന, ഋഷിദത്ത് എന്നിവരെ ചടങ്ങില്‍ ആദരിച്ചു. ഡി സി സി അംഗം അമ്പലപ്പാട്ട് മണികണ്ഠന്‍, ഗ്രാമപഞ്ചായത്ത് പ്രസിഡന്റ് മീന ശലമോന്‍, വൈസ് പ്രസിഡന്റ് കെ.ഗോവിന്ദന്‍കുട്ടി, കെ.ആര്‍.ഗിരീഷ്, കെ.കെ.ഷെമീര്‍, ജെറോം ബെര്‍ണാള്‍ഡ്, സി.വി.ബേബി, ജോസ് താണിക്കല്‍, ഐപ്പുണ്ണി താണിക്കല്‍ എന്നിവര്‍ പങ്കെടുത്തു.