തിരുവനന്തപുരം: യൂനിവേഴ്‌സിറ്റി കോളേജിലെ കുത്ത് കേസ് പ്രതികള്‍ പി.എസ്.സി റാങ്ക് പട്ടികയില്‍ വന്നതിനെതിരെ യുവമോര്‍ച്ചയുടെ മാര്‍ച്ചില്‍ സംഘര്‍ഷം. സമരക്കാര്‍ക്കെതിരേ പൊലിസ് ജലപീരങ്കിയും ടിയര്‍ ഗ്യാസും പ്രയോഗിച്ചു.
അഞ്ച് യുവമോര്‍ച്ചാ പ്രവര്‍ത്തകര്‍ക്ക് ലാത്തിച്ചാര്‍ജില്‍ പരുക്കേറ്റു.
ഇന്നലെ വ്യാപകമായ ലാത്തിച്ചാര്‍ജാണ് നടന്നിരുന്നത്. അത്ര രൂക്ഷമായിരുന്നില്ല ഇന്ന്. സമരത്തെ അടിച്ചൊതുക്കുന്നു എന്ന പ്രതീതിയുണ്ടാകാതിരിക്കാന്‍ പരമാവധി സംയമനം പാലിക്കണമെന്ന് പൊലിസിന് നിര്‍ദേശമുണ്ടായിരുന്നു. വീണ് കിടക്കുന്നവര്‍ക്കാണ് ലാത്തിയടിയേറ്റത്. ചിലര്‍ക്ക് ജലപീരങ്കിയില്‍ അടിതെറ്റി വീണും പരുക്കേറ്റിട്ടുണ്ട്.