കൊടുങ്ങല്ലൂര്‍: ചേരമാന്‍ ജുമാ മസ്ജിദ് മ്യൂസിയത്തിലേക്ക് ഗോപിനാഥന്റെ വക ഖുര്‍ആന്‍ സമ്മാനം.
കൊടുങ്ങല്ലൂര്‍ ഉഴുവത്ത് കടവ് കളപ്പാട്ട് ഗോപിനാഥനാണ് താന്‍ നാല്‍പ്പത് വര്‍ഷമായി കൈവശം സൂക്ഷിച്ചു പോന്ന വിശുദ്ധ ഖുര്‍ആന്റെ ചെറുപ്പതിപ്പ് ചേരമാന്‍ പള്ളിയുടെ പുരാവസ്തു മ്യൂസിയത്തിന് കൈമാറിയത്. സൗദി അറേബ്യയിലെ റിയാദില്‍ ജോലി ചെയ്യുന്ന സമയത്താണ് ഗോപിനാഥന് ഖുര്‍ആന്‍ ലഭിച്ചത്.
നാല്‍പ്പത് വര്‍ഷം കൈവശം സൂക്ഷിച്ച ചെറു ഖുര്‍ആന്‍, ചേരമാന്‍ മ്യൂസിയം പുനരുദ്ധരിക്കുന്ന വാര്‍ത്തയറിഞ്ഞ് പള്ളിക്ക് കൈമാറാന്‍ സന്നദ്ധനാകുകയായിരുന്നു.
മ്യൂസിയം ഹാളില്‍ നടന്ന ചടങ്ങില്‍ മഹല്ല് പ്രസിഡന്റ് ഡോ. പി.എ മുഹമ്മദ് സഈദ് ഖുര്‍ആന്‍ ഏറ്റുവാങ്ങി.
സെക്രട്ടറി എസ്.എ അബ്ദുല്‍ ഖയ്യും, ഇമാം സൈഫുദ്ദീന്‍ അല്‍ ഖാസിമി, അഡ്മിനിസ്‌ട്രേറ്റര്‍ ഇ.ബി ഫൈസല്‍ പങ്കെടുത്തു.