കോഴിക്കോട്: സി.ബി.എസ്.ഇ പ്ലസ്ടു ഫലത്തില്‍ ജില്ലയിലെ മിക്ക വിദ്യാലയങ്ങളും മികച്ച നേട്ടം സ്വന്തമാക്കി. വിദ്യാലയങ്ങള്‍ക്ക് 90 ശതമാനത്തിന് മുകളില്‍ വിജയം നേടാനായി എന്നതും ഇത്തവണത്തെ പ്രത്യേകതയാണ്.
ജില്ലയില്‍ ഏറ്റവുമധികം വിദ്യാര്‍ഥികളെ പരീക്ഷക്കിരുത്തിയത് ഈസ്റ്റ്ഹില്‍ കേന്ദ്രീയ വിദ്യാലയം ഒന്നിലാണ്. ഇവിടെ പരീക്ഷ എഴുതിയ 220 പേരില്‍ 219 പേരും വിജയിച്ചു. (99.55 ശതമാനം).
ഇവിടെ സയന്‍സ് വിഷയത്തില്‍ രണ്ടു വിദ്യാര്‍ഥികള്‍ 96.8 ശതമാനം മാര്‍ക്ക് നേടി.
കൊമേഴ്‌സില്‍ 96.6-ഉം ഹ്യുമാനിറ്റീസില്‍ 93 ശതമാനവുമാണ് ഇവിടുത്തെ മികച്ച സ്‌കോര്‍. ചാത്തമംഗലം ദയാപുരം റസിഡന്‍ഷ്യല്‍ സ്‌കൂള്‍ 21-ാം തവണയും നൂറുമേനി കൊയ്തു.
119-പേര്‍ പരീക്ഷക്കിരുന്നപ്പോള്‍ 67-പേര്‍ ഡിസ്റ്റിങ്ഷനും, 49-പേര്‍ ഫസ്റ്റ് ക്ലാസും മൂന്നു പേര്‍ സെക്കന്‍ഡ് ക്ലാസും കരസ്ഥമാക്കി. കഴിഞ്ഞ എഴു വര്‍ഷമായി നൂറുമേനി നേടുന്ന ഗോവിന്ദപുരത്തെ കേന്ദ്രീയ വിദ്യാലയം രണ്ടില്‍ പരീക്ഷയെഴുതിയ 61 പേരും വിജയിച്ച് ഇത്തവണയും അതു നിലനിര്‍ത്തി.
ദേവഗിരി സി.എം.ഐ പബ്ലിക് സ്‌കൂള്‍ തുടര്‍ച്ചയായി ആറാം വര്‍ഷവും നൂറുശതമാനം വിജയം സ്വന്തമാക്കി.
പരീക്ഷ എഴുതിയ 86 പേരും ജയിച്ചു. 97 ശതമാനം മാര്‍ക്കുമായി സയന്‍സ് വിഷയത്തില്‍ ഗോകുല്‍ പ്രകാശ് നായര്‍ ഒന്നാമനായി. കൊമേഴ്‌സില്‍ 96.6 ശതമാനം സ്‌കോര്‍ ചെയ്ത് മരിയ ബെന്നും മികച്ച വിജയം നേടി. ഒന്‍പത് വിദ്യാര്‍ഥികള്‍ എ വണ്‍ ഗ്രേഡും സ്വന്തമാക്കി.
സില്‍വര്‍ ഹില്‍സ് പബ്ലിക് സ്‌കൂളില്‍ പരീക്ഷയെഴുതിയ 87 പേരില്‍ 85 പേര്‍ വിജയിച്ചു.
ആറ് കുട്ടികള്‍ ഫുള്‍ എ വണ്‍ നേടി. 22 പേര്‍ക്ക് 90 ശതമാനത്തില്‍ കുടുതല്‍ മാര്‍ക്കുണ്ട്. 96.6 ശതമാനം മാര്‍ക്ക് നേടി ആര്‍. വിഷ്ണുരാജ് സ്‌കൂളിലെ മികച്ച താരമായി. പുതിയങ്ങാടി അല്‍ഹറമൈന്‍ ഇംഗ്ലീഷ് സ്‌കൂള്‍ ഇത്തവണയും നൂറുമേനി നേടി