x

ചേരാപുരം: കുറ്റ്യാടി മണ്ഡലം സമ്പൂര്‍ണ വൈദ്യുതീകരണ പ്രഖ്യാപനം നടന്നിട്ടും വൈദ്യുതി ലഭിക്കാതെ വേളത്തെ അങ്കണവാടികള്‍. ഇന്നലെ മണ്ഡലം സമ്പൂര്‍ണ വൈദ്യുതീകരണ പ്രഖ്യാപനം ആയഞ്ചേരി കമ്യൂണിറ്റി ഹാളില്‍ നടന്നിരുന്നു.
മണ്ഡലത്തില്‍ 27 അങ്കണവാടികള്‍ക്ക് പുതുതായി വൈദ്യുതി ബന്ധം ലഭിച്ചുവെന്ന് അധികൃതര്‍ പ്രഖ്യാപിച്ചിട്ടുണ്ടെങ്കിലും വേളത്തെ അങ്കണവാടികള്‍ ഇതില്‍ പെട്ടിട്ടില്ല.
പഞ്ചായത്തില്‍ 29 ഓളം അങ്കണവാടികളാണുള്ളത്. കഴിഞ്ഞ ഡിസംബറില്‍ എല്ലാ അങ്കണവാടികളിലും അധികൃതര്‍ എത്തി വൈദ്യുതീകരണത്തിനായുള്ള എസ്റ്റിമേറ്റ് എടുത്തിരുന്നു. എന്നാല്‍ വൈദ്യുതി നല്‍കാനുള്ള നടപടിയുണ്ടായില്ല. കോണ്‍ട്രാക്റ്റ് എടുക്കാന്‍ ആളെക്കിട്ടുന്നില്ലെന്നാണ് അധികൃതര്‍ പറയുന്നതെന്നും വര്‍ക്കര്‍മാര്‍ പറഞ്ഞു.
മിനിമം പതിനഞ്ച് കുട്ടികള്‍ ഓരോ അങ്കണവാടിയിലുമുണ്ട്.
പഞ്ചായത്തിലെ അങ്കണവാടികള്‍ വൈദ്യുതീകരിക്കുന്നതിനാവശ്യമായ നടപടികള്‍ ഉടന്‍ ഉണ്ടാവണമെന്ന് രക്ഷിതാക്കളും ജീവനക്കാരും ആവശ്യപ്പെടുകയാണ്.