ന്യൂഡല്‍ഹി: കൃഷി എന്തെന്ന് പോലും അറിയാത്തവര്‍ കര്‍ഷകരെ തെറ്റിധരിപ്പിക്കുന്നത് ദൗര്‍ഭാഗ്യകരമാണെന്ന് കേന്ദമന്ത്രി രാജ്‌നാഥ് സിങ്. എംഎസ്പി നിര്‍ത്തലാക്കാന്‍ സര്‍ക്കാര്‍ ഉദ്ദേശിക്കുന്നില്ല, ഭാവിയിലും അത് നിര്‍ത്തലാക്കുകയില്ല.സര്‍ക്കാര്‍ നിയന്ത്രണത്തിലുള്ള ചന്തകളും നിലനിര്‍ത്തപ്പെടുമെന്നും അദ്ദേഹം കൂട്ടിചേര്‍ത്തു.

നിയമഭേദഗതിയിലൂടെ കര്‍ഷകരുടെ വരുമാനം ഇരട്ടിയാകും. മാറ്റങ്ങളുടെ ഫലം വ്യക്തമാകാന്‍ കുറച്ചു സമയം എടുക്കും.
അടുത്ത ഒന്നര വര്‍ഷത്തില്‍ വരുന്ന മാറ്റങ്ങള്‍ കാണാന്‍ കര്‍ഷകര്‍ തയ്യാറാകണം. അല്ലാത്തപക്ഷം നിയമങ്ങള്‍ ചര്‍ച്ചകളിലൂടെ മെച്ചപ്പെടുത്താം. കര്‍ഷകരുടെ ഭൂമി ആര്‍ക്കും എടുക്കാനാവില്ലെന്ന് മന്ത്രി വ്യക്തമാക്കി.

https://twitter.com/ani_digital/status/1343132004259282944

അതേ സമയം കര്‍ഷക സമരം ഒരുമാസം പിന്നിടുമ്പോള്‍ നിലപാടുകളില്‍ മാറ്റമുണ്ടാകില്ലെന്ന് തന്നെയാണ് കേന്ദ്രസര്‍ക്കാര്‍ പറയുന്നത്. കാര്‍ഷിക നിയമം പിന്‍വലിക്കണമെന്ന വ്യവസ്ഥ അംഗീകരിക്കാനാവില്ലെന്ന് കേന്ദ്ര സര്‍ക്കാര്‍ ആവര്‍ത്തിച്ച് വ്യക്തമാക്കി.