കാസര്‍കോട്: ഗവണ്‍മെന്റ് ഹൈസ്‌കൂളില്‍ പഠിക്കുന്ന 13 അന്ധ വിദ്യാര്‍ഥികളുടെ ഒരു വര്‍ഷത്തെ യാത്രാ ചെലവ് മുനിസിപ്പല്‍ മുസ്‌ലിം യൂത്ത് ലീഗ് കമ്മിറ്റി ഏറ്റെടുത്തു.
വിദ്യാനഗറില്‍ നിന്നു കാസര്‍കോടേക്കുള്ള ബസ് യാത്ര ദുരിതപൂര്‍ണമായതിനാല്‍ സ്വകാര്യ വാഹനത്തില്‍ വിദ്യാര്‍ഥികളെ സ്‌കൂളിലെത്തിക്കുന്നതിനാണു പദ്ധതി. അന്ധ വിദ്യാലയത്തില്‍ നടന്ന ചടങ്ങില്‍ യൂത്ത് ലീഗ് മുനിസിപ്പല്‍ പ്രസിഡന്റ് അജ്മല്‍ തളങ്കര സ്‌കൂള്‍ പ്രഥമാധ്യാപകന്‍ അബ്ദുല്ലക്കു ധനസഹായം കൈമാറി. ടി.ഇ അബ്ദുല്ല, കെ സവിത, പി.കെ സുരേശന്‍, സുനില്‍ കുമാര്‍, സത്യന്‍, ഫിലോമിന, സ്റ്റാഫ് സെക്രട്ടറി ബാബു, കോര്‍ഡിനേറ്റര്‍ പി.ടി ഉഷ, റഷീദ് തുരുത്തി, നൗഫല്‍ തായല്‍, ജലീല്‍ അണങ്കൂര്‍, ഷെരീഫ് ജാല്‍സൂര്‍, എം.ബി അഷ്‌റഫ്, പി.വി മൊയ്തീന്‍ കുഞ്ഞി തളങ്കര ,ബഷീര്‍ നെല്ലിക്കുന്ന് സംസാരിച്ചു.