തിരുവനന്തപുരം: സംസ്ഥാനത്ത് കനത്ത മഴയ്ക്ക് സാധ്യത ഉണ്ടെന്ന മുന്നറിയിപ്പിന്റെ പശ്ചാത്തലത്തില്‍ ദേശീയ ദുരന്ത പ്രതികരണസേനയുടെ (എന്‍.ഡി.ആര്‍.എഫ്) അഞ്ച് ടീം കേരളത്തിലെത്തി. വയനാട്, പാലക്കാട്, ഇടുക്കി, പത്തനംതിട്ട, കോഴിക്കോട് എന്നീ ജില്ലകളിലാണ് എന്‍.ഡി.ആര്‍.എഫ് സംഘത്തെ വിന്യസിക്കുന്നത്.

മൂന്ന് ടീം എന്‍.ഡി.ആര്‍.എഫ് സംഘം കേരളത്തില്‍ തുടരുന്നുണ്ടായിരുന്നു. ആവശ്യമെങ്കില്‍ കേരളത്തിലേക്ക് അയക്കാന്‍ പത്ത് ടീമിനെ കൂടി സജ്ജമാക്കാന്‍ പറഞ്ഞിട്ടുണ്ടെന്ന് മുഖ്യമന്ത്രി അറിയിച്ചു.