തൃശൂര്‍: പ്ലാറ്റൂണ്‍ തൃശൂരിന്റെ അവാര്‍ഡ് വിതരണം അടുത്ത മാസം രണ്ടിന് വൈകുന്നേരം നാലിന് മണിക്ക് തൃശൂര്‍ ടൗണ്‍ ഹാളില്‍ നടക്കുമെന്ന് ഭാരവാഹികള്‍ അറിയിച്ചു.
കോര്‍പറേഷനില്‍ പ്ലസ്ടു വിഷയങ്ങളിലും എസ്.എസ്.എല്‍.സിയിലും മികച്ച വിജയം നേടിയവരെ ആദരിക്കലും സ്‌കോളര്‍ഷിപ്പ് വിതരണവും മന്ത്രി വി.എസ് സുനില്‍ കുമാര്‍ നിര്‍വഹിക്കും. പ്ലാറ്റൂണ്‍ സോഷ്യല്‍ വര്‍ക്കര്‍ അവാര്‍ഡ് ശീബ അമീറിനും പ്ലാറ്റൂണ്‍ കര്‍ഷക രത്‌ന അവാര്‍ഡ് വര്‍ഗീസ് തരകനും സമ്മാനിക്കും. ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍, തൃശൂര്‍ മേയര്‍ അജിത ജയരാജന്‍ പങ്കെടുക്കും. വാര്‍ത്താ സമ്മേളനത്തില്‍ പ്ലാറ്റൂണ്‍ പ്രസിഡന്റ് ജയിംസ് വളപ്പില, സെക്രട്ടറി മനോജ് ജോര്‍ജ്, പ്രോഗ്രാം കണ്‍വീനര്‍ ഷാജു ഡേവിസ്, കോര്‍ഡിനേറ്റര്‍ ഡേവിസ് പുലിക്കോട്ടില്‍ പങ്കെടുത്തു.