മുംബൈ: ഐ ലീഗ് ഫുട്‌ബോള്‍ ലീഗിന് ഈ മാസം 26ന് തുടക്കമാകും. കേരളത്തില്‍ നിന്നുള്ള ഗോകുലം എഫ്.സി ഉള്‍പ്പെടെ 11 ടീമുകളാണ് ഇത്തവണ ലീഗിലുള്ളത്. സെക്കന്‍ഡ് ഡിവിഷനില്‍നിന്ന് റിയല്‍ കശ്മിരാണ് ഐ ലീഗിലേക്കെത്തിയ പുതിയ ടീം.
കോയമ്പത്തൂരില്‍വച്ച് ഇന്ത്യന്‍ ആരോസും ചെന്നൈ സിറ്റിയും തമ്മിലാണ് ലീഗിലെ ആദ്യ മത്സരം. തൊട്ടടുത്ത ദിവസം ഗോകുലവും മത്സരത്തിനിറങ്ങും. ഹോം ഗ്രൗണ്ടായ കോഴിക്കോട് കോര്‍പറേഷന്‍ സ്റ്റേഡിയത്തിലാണ് ഗോകുലത്തിന്റെ ആദ്യ മത്സരം. മോഹന്‍ബഗാനെയാണ് ഗോകുലം നേരിടുക. ഗോകുലത്തിന്റെ ആദ്യ എവേ മത്സരം ഒക്ടോബര്‍ 31ന് നെരോക്ക എഫ്.സിക്കെതിരേയാണ്. കഴിഞ്ഞ വര്‍ഷത്തെ ചാംപ്യന്‍മാരായ മിനര്‍വ പഞ്ചാബ് ആദ്യ മത്സരത്തില്‍ ചര്‍ച്ചില്‍ ബ്രദേഴ്‌സിനെ നേരിടും.