ബഗ്ദാദ്: പടിഞ്ഞാറന്‍ മൗസിലില്‍ നടന്ന ആക്രമണത്തില്‍ ഇറാന്‍ റവല്യൂഷനറി സേനയിലെ മുതിര്‍ന്ന ഉദ്യോഗസ്ഥന്‍ കൊല്ലപ്പെട്ടു.
അല്‍ ബാജ് ജില്ലയില്‍ പോപ്പുലര്‍ മൊബിലൈസേഷന്‍ സൈന്യവും ഐ.എസും തമ്മില്‍ നടന്ന പോരാട്ടത്തിലാണ് ഇറാനിലെ മുതിര്‍ന്ന ഉദ്യോഗസ്ഥനായ ജനറല്‍ ഷാബാന്‍ നസീരി കൊല്ലപ്പെട്ടതെന്ന് മാധ്യമങ്ങള്‍ റിപ്പോര്‍ട്ട് ചെയ്തു.
1980 ല്‍ സദ്ദാം ഹുസൈനെതിരേ രംഗത്തെത്തിയ ഇറാഖി ബദര്‍ സൈന്യത്തെ സഹായിക്കുന്നതില്‍ ഇറാന്‍ റവല്യൂഷനറി ഇടപെടുന്നതില്‍ മുഖ്യ പങ്കു വഹിച്ചയാളാണ് ഇദ്ദേഹം. സിറിയ, ലബനാന്‍, ഇറാഖ് എന്നിവിങ്ങളില്‍ ഇറാന്‍ റവല്യൂഷനറി ഇടപെടലുകളില്‍ മുഖ്യ പങ്കും ഇദ്ദേഹത്തിനായിരുന്നു.