മാള: അഷ്ടമിച്ചിറക്കടുത്തുള്ള പഴൂക്കരയില്‍ രണ്ടാഴ്ച്ച മുന്‍പ് അക്രമം അഴിച്ച് വിട്ട് ഭീകരാന്തരീക്ഷം സ്രഷ്ടിച്ച ഏഴംഗ സംഘത്തിലെ ഒന്നാം പ്രതിയെ മാള പൊലിസ് അറസ്റ്റ് ചെയ്തു . ഗുരുതിപ്പാലയില്‍ പ്രമോദാ(23)ണ് മാണിയംകാവില്‍ നിന്ന് അറസ്റ്റിലായത്.
ഈ സംഭവത്തില്‍ രണ്ടാളുകള്‍ക്ക് വെട്ടേല്‍ക്കുകയും ഏതാനും വാഹനങ്ങള്‍ തകര്‍ക്കപ്പെടുകയും ചെയ്തിരുന്നു. വധശ്രമത്തിനാണ് പ്രതികള്‍ക്കെതിരേ കേസെടുത്തിട്ടുള്ളത്. കേസിലെ മൂന്ന് പ്രതികളെ നേരത്തെ അറസ്റ്റ് ചെയ്തിരുന്നു.
പ്രതിയുടെ സഹോദനെ അക്രമിച്ചതിന്റെ പേരിലുള്ള മുന്‍ വൈരാഗ്യമാണ് പ്രതികളെ അക്രമത്തിന് പ്രേരിപ്പിച്ചത്. അക്രമം നടത്താന്‍ ഉപയോഗിച്ച വാള്‍, കമ്പി വടി എന്നിവ ഗുരുതീപ്പാലയി ആള്‍താമസമില്ലാത്ത വീട്ടില്‍ നിന്ന് കണ്ടെടുത്തു. പ്രതിയെ റിമാന്റ് ചെയ്തു .