തിരുവനന്തരപുരം: ഒരു മാസമായി കാണാതായ യുവതിയെ അമ്പൂരിയില്‍ സുഹൃത്തിന്റെ വീടിനു സമീപം കൊന്നു കുഴിച്ചു മൂടിയ നിലയില്‍ കണ്ടെത്തി. സുഹ്യത്തായ സൈനികന്‍ ഒളിവിലാണ്.

പൂവാര്‍ സ്വദേശിയായ രാഖിയുടെ മൃദദേഹമാണ് കണ്ടെത്തിയത്. ഒരുമാസമായി യുവതിയെ കാണാനില്ലായിരുന്നു. ബന്ധുക്കള്‍ പൊലിസില്‍ പരാതി നല്‍കിയിരുന്നു. യുവതിയുടെ ഫോണ്‍ കേന്ദ്രീകരിച്ച് നടത്തിയ അന്വേഷണത്തില്‍ അമ്പൂരി സ്വദേശിയായ അഖിലിനെ നിരന്തരം വിളിച്ചതായി വിവരം ലഭിച്ചു. അഖിലിന്റെ മൂന്നു സുഹൃത്തുക്കളെ പൊലിസ് കസ്റ്റഡിയില്‍ എടുത്തിട്ടുണ്ട്. 

എറണാകുളത്ത് കോള്‍ സെന്ററില്‍ ജോലി ചെയ്യുന്ന രാഖി കഴിഞ്ഞമാസം 21ന് വീട്ടിലേക്കെന്ന് പറഞ്ഞ് ഇറങ്ങിയതായിരുന്നു.കഴിഞ്ഞ ഒരുമാസമായി പൊലിസ് മൃദദേഹത്തിനായി പ്രദേശത്ത് തിരച്ചില്‍ നടത്തുകയായിരുന്നു.