കോഴിക്കോട്: കണ്ണൂര്‍ യൂനിവേഴ്‌സിറ്റി ഡെപ്യൂട്ടി രജിസ്ട്രാര്‍ പദവിയില്‍ നിന്നും വിരമിച്ച കെ.പി മുഹമ്മദ് അല്‍ബിര്‍റ് അഡ്മിനിസ്‌ട്രേറ്റീവ് ഡയരക്ടര്‍ ആയി നിയമിതനായി. ഡയരക്ടര്‍ ഓഫ് സ്റ്റുഡന്‍സ് സര്‍വിസ്, എന്‍.എസ്.എസ് യൂനിവേഴ്‌സിറ്റി പ്രോഗ്രാം കോ ഓഡിനേറ്റര്‍, വൈസ് ചാന്‍സലറുടെ പ്രൈവറ്റ് സെക്രട്ടറി തുടങ്ങിയ പദവികളും വഹിച്ചിട്ടുണ്ട്. കാസര്‍കോട് ഗവ. കോളജില്‍ ഇക്കണോമിക്‌സ് ലക്ചറായും അബൂദാബി മോഡല്‍ സ്‌കൂളില്‍ പത്ത് വര്‍ഷത്തോളം പോസ്റ്റ് ഗ്രാജ്വേറ്റ് ടീച്ചറായും സേവനം ചെയ്തിട്ടുണ്ട്. തലശേരി സ്വദേശിയാണ്.