ദമാം: സമസ്ത ഇസ്‌ലാമിക് സെന്റർ അൽ അഹ്‌സ സെൻട്രൽ കമ്മിറ്റിക്ക് കീഴിൽ ഉംറാൻ ഏരിയ കമ്മിറ്റി പ്രവർത്തക സംഗമവും മെമ്പർഷിപ്പ് അടിസ്ഥാനമാക്കി ഉംറാൻ ഏരിയ കമ്മിറ്റി രൂപീകരണവും നടന്നു. ഉംറാൻ സലീമിന്റെ മേൽനോട്ടത്തിൽ നടന്ന പരിപാടിയിൽ സെൻട്രൽ കമ്മിറ്റി ചെയർമാൻ അഹ്മദ് ദാരിമി അധ്യക്ഷത വഹിച്ചു. സെൻട്രൽ കമ്മിറ്റി ആക്റ്റിംഗ് പ്രസിഡണ്ട് സയ്യിദ് ഹബീബ് തങ്ങൾ ഉദ്ഘാടനം ചെയ്‌തു. 

     റിട്ടേണിംഗ് ഓഫീസർ സലീം വാഫിയുടെ നേതൃത്വത്തിൽ നടന്ന കമ്മിറ്റി രൂപീകരണത്തിൽ ചെയർമാനായി അബ്ദുൽ സലീം, വൈസ് ചെയർമാൻമാരായി മുസ്ഥഫ കണ്ണൂർ, സുൽഫിക്കർ അലി അലനല്ലൂർ, പ്രസിഡന്റ്:നൗഫൽ ഫൈസി കൂട്ടിലങ്ങാടി, വൈസ് പ്രസിഡൻ്റുമാരായി സൈദ് നാട്ടുകൽ, ഹനീഫ കൊടുവള്ളി, ജനറൽ സെക്രട്ടറി: ഹനീഫ നാട്ടുകൽ, വർക്കിംഗ് സെക്രട്ടറി: മുഹമ്മദ് ബത്തലിയ, ഓർഗ: സെക്രട്ടറി ഹനീഫ മിഖ്ദാം, സെക്രട്ടറിമാരായി ഗഫൂർ ഇംറാൻ, സൈദ് മണ്ണാർക്കാട്, ട്രഷററായി ഷമീം എന്നിവരെ തിരഞ്ഞെടുത്തു. 

    ദഅ്‌വ ചെയർമാൻ: സ്വാദിഖ് എടപ്പാൾ, കൺവീനർ: മുഹമ്മദ് അലി. റിലീഫ് ചെയർമാൻ: സജീർ മഞ്ചേരി, കൺവീനർ: ഷമീർ പന്തല്ലൂർ, വിഖായ ചെയർമാൻ: റിയാസ് നാട്ടുകൽ, കൺവീനർ: ഹാദിൽ കോഴിക്കോട്, സർഗലയം ചെയർമാൻ: മുഹമ്മദ് ഷഫീഖ്, കൺവീനർ: അനസ് കോഴിക്കോട് എന്നിവരെ തിരഞ്ഞെടുത്തു.

    സെൻട്രൽ കമ്മിറ്റി ഭാരവാഹികളായി സലാം ഒറ്റപ്പാലം, നാസർ മമ്പീതി, നിസാർ വളമംഗലം, ഇർഷാദ് ഫറോക്ക്തുടങ്ങിയവർ പങ്കെടുത്ത യോഗത്തിൽ സെൻട്രൽ കമ്മിറ്റി സെക്രട്ടറി ബഷീർ രാമനാട്ടുകര സ്വാഗതവും പുതിയ ജനറൽ സെക്രട്ടറി ഹനീഫ നാട്ടുകൽ നന്ദിയും പറഞ്ഞു.