ന്യൂഡല്‍ഹി: പാകിസ്താനുമായുള്ള ക്രിക്കറ്റ് ബന്ധം പുനസ്ഥാപിക്കാനുള്ള ബി.സി.സി.ഐ നീക്കം തള്ളി കേന്ദ്രസര്‍ക്കാര്‍. ഇന്ത്യ-പാക് ക്രിക്കറ്റ് മത്സരങ്ങള്‍ പുനരാരംഭിക്കാന്‍ കഴിയില്ലെന്ന കേന്ദ്ര കായിക മന്ത്രി വിജയ് ഗോയല്‍ അറിയിച്ചു.

പാകിസ്താനില്‍ നിന്നുള്ള ഭീകരാക്രമണ ഭീഷണി അവസാനിക്കാതെ കളി പുനരാരംഭിക്കാനാകില്ല. ഭീകരവാദവും കായിക വിനോദവും ഒരുമിച്ചു കൊണ്ടു പോകാനാകില്ലെന്നും അദ്ദേഹം പറഞ്ഞു.

പാക് ക്രിക്കറ്റ് ബോര്‍ഡുമായി ബി.സി.സി.ഐ ദുബായില്‍ ചര്‍ച്ച നടത്താനിരിക്കെയാണ് കേന്ദ്രമന്ത്രി നിലപാട് അറിയിച്ചത്.