ന്യൂഡല്‍ഹി: രാജ്യത്തെ വ്യാജ സര്‍വകലാശാലകളുടെ പട്ടിക യൂനിവേഴ്‌സിറ്റി ഗ്രാന്റ്‌സ് കമ്മിഷന്‍ (യു.ജി.സി) പ്രസിദ്ധീകരിച്ചു. ആകെ 23 സര്‍വകലാശാലകളുടെ പേരുവിവരങ്ങള്‍ ഉള്‍പ്പെടുത്തിയ പട്ടികയില്‍ കേരളത്തില്‍നിന്നുള്ള ഒരു സര്‍വകലാശാലയുമുണ്ട്. എട്ട് വ്യാജന്മാരുമായി ഉത്തര്‍പ്രദേശും ഏഴെണ്ണവുമായി ഡല്‍ഹിയുമാണ് ഒന്നും രണ്ടും സ്ഥാനങ്ങളില്‍. കഴിഞ്ഞ പത്തുവര്‍ഷത്തിലേറെയായി വ്യാജ സര്‍വകലാശാലകളുടെ പട്ടികയില്‍ സ്ഥാനംപിടിച്ച സെന്റ് ജോണ്‍സ് സര്‍വകലാശാല (കിഷനാട്ടം) തന്നെയാണ് ഇത്തവണയും കേരളത്തില്‍നിന്ന് പട്ടികയില്‍ ഉള്‍പ്പെട്ടത്. വിദ്യാര്‍ഥികളും പൊതുസമൂഹവും ഇത്തരം സഥാപനങ്ങളെ കുറിച്ച് ജാഗ്രത പുലര്‍ത്തണമെന്നും യു.ജി.സി അറിയിച്ചു. യു.ജി.സി നിയമങ്ങള്‍ പ്രകാരം ഈ 24 സഥാപനങ്ങള്‍ക്കും ബിരുദം നല്‍കാന്‍ അനുവാദമുണ്ടാവില്ല.