കൊല്ലം: സംസ്ഥാന വനം വന്യജീവി വകുപ്പിന്റെ നേതൃത്വത്തിലുള്ള വനശ്രീ ആറ്റുമണല്‍ കേന്ദ്രത്തിന്റെ ഉദ്ഘാടനവും ധനസഹായ വിതരണവും ഇന്ന്  മന്ത്രി കെ രാജു നിര്‍വഹിക്കും. രാവിലെ 11.30ന് കുളത്തൂപ്പുഴ ഗവണ്‍മെന്റ് യു.പി. എസ് അങ്കണത്തില്‍ നടക്കുന്ന പരിപാടിയില്‍  കുളത്തൂപ്പുഴ ഗ്രാമപഞ്ചായത്ത് പ്രസിഡന്റ് എസ് നളിനിയമ്മ അധ്യക്ഷത വഹിക്കും. എന്‍.കെ പ്രേമചന്ദ്രന്‍ എം.പി മുഖ്യപ്രഭാഷണം നടത്തും.
വി.എസ്.എസുകള്‍ക്കുള്ള തൊഴിലുപകരണങ്ങള്‍ അഞ്ചല്‍ ബ്ലോക്ക് പഞ്ചായത്ത് പ്രസിഡന്റ് രഞ്ചു സുരേഷും വി. എസ്.എസ് അംഗങ്ങളുടെ കുട്ടികള്‍ക്കുള്ള പഠനോപകരണങ്ങള്‍ ജില്ലാ പഞ്ചായത്തംഗം കെ.ആര്‍ ഷീജയും വിതരണം ചെയ്യും.