കുന്ദമംഗലം: കാരന്തൂരില്‍ സ്ത്രീകള്‍ക്ക് നേരെ യുവാവിന്റെ ആക്രമണം. ഇന്നലെ ഉച്ചക്ക് രണ്ടരയോടെയാണ് യാത്രക്കാരായ രണ്ടു സ്ത്രീകളെ യുവാവ് ആക്രമിച്ചത്. ചേരിഞ്ചാല്‍ സ്വദേശിയായ വയോധികയേയും മെഡിക്കല്‍കോളജ് ആശുപത്രിയിലെ നഴ്‌സിനെയുമാണ് യുവാവ് ആക്രമിച്ചത്.
നാട്ടുകാര്‍ ഇയാളെ പിടികൂടി പൊലിസില്‍ ഏല്‍പ്പിച്ചു. യുവാവ് മനോരോഗിയാണെന്ന് സംശയിക്കുന്നതായി പൊലിസ് പറഞ്ഞു. വൈദ്യ പരിശോധനക്കായി ഇയാളെ ആനപ്പാറ ആശുപത്രിയിലേക്ക് മാറ്റി. കല്ലായ് പയ്യാനക്കല്‍ സ്വദേശിയാണെന്നും അരുണ്‍കുമാര്‍ എന്നാണ് പേരെന്നും യുവാവ് പറഞ്ഞു.
ഗുരുജി തന്നോട് സ്വപനത്തില്‍ വന്ന് ഇവരെ ആക്രമിക്കാന്‍ പറഞ്ഞത് കൊണ്ടാണ് ഇവരെ അടിച്ചത് എന്നാണ് യുവാവ് പറയുന്നത്. ഇയാളുടെ കൈയില്‍ ഒരു സ്ത്രീയുടെ ചിത്രവും ഉണ്ട്.