പേരൂര്‍ക്കട: വീടിനു സമീപമിരുന്ന് സംഘം ചേര്‍ന്ന് മദ്യപിച്ചതു ചോദ്യം ചെയ്ത ദമ്പതികള്‍ക്ക് ക്രൂരമര്‍ദനം. സംഭവവുമായി ബന്ധപ്പെട്ട് ഒരാള്‍ അറസ്റ്റില്‍.
കേശവദാസപുരം എന്‍.എസ്.പി നഗറില്‍ കഴിഞ്ഞദിവസം അര്‍ധരാത്രിയോടെയായിരുന്നു സംഭവം.  കേശവദാസപുരം എന്‍.എസ്.പി നഗര്‍ ഹൗസ് നമ്പര്‍ 83 ലക്ഷ്മി ഭവനില്‍ ബിനുരാജ്, ഭാര്യ സുചിത്ര എന്നിവര്‍ക്കാണ് മര്‍ദനമേറ്റത്.
തങ്ങളുടെ വീടിനു സമീപമിരുന്ന് മദ്യപിച്ചതു ചോദ്യം ചെയ്തതിനെത്തുടര്‍ന്നുണ്ടായ വാക്കുതര്‍ക്കം സംഘര്‍ഷത്തിലേക്കു നീങ്ങുകയും ദമ്പതികളെ സംഘം ആക്രമിക്കുകയുമായിരുന്നു.  
എന്‍.എസ്.പി നഗര്‍ സ്വദേശി ബിനു (43) വാണ്‌സംഭവവുമായി ബന്ധപ്പെട്ട് പിടിയിലായത്. മറ്റു പ്രതികള്‍ക്കായി അന്വേഷണം ഊര്‍ജിതമാക്കിയതായി പൊലിസ് പറഞ്ഞു.