നേമം: വീട്ടിനുളളില്‍ ഉറങ്ങിക്കിടന്നയാളുടെ തല അടിച്ചുപൊട്ടിച്ച  കേസിലെ പ്രതിയെ നരുവാമൂട് പൊലിസ് അറസ്റ്റ് ചെയ്തു. പളളിച്ചല്‍ വില്ലേജില്‍ മുക്കംപാലമൂട് താമരശ്ശേരിക്കോണം കിഴക്കിന്‍കര വിജിഭവനില്‍ മണിയന്റെ മകന്‍ സന്തോഷിനെ (42)യാണ് അറസ്റ്റ് ചെയ്തത്.
  കഴിഞ്ഞ 26 ന് പുലര്‍ച്ചെയായിരുന്നു സംഭവം. അയല്‍വാസിയായ തലയിരുകോണം വടക്കുംകര പുത്തന്‍വീട്ടില്‍ സന്തോഷ്‌കുമാറിനെ (41)യാണ് ഇയാള്‍ അടിച്ചു പരുക്കേല്‍പ്പിച്ചത്.  സന്തോഷ്‌കുമാര്‍ നെയ്യാറ്റിന്‍കര ജനറല്‍ ആശുപത്രിയില്‍ ചികിത്സയില്‍ കഴിയുകയാണ്.
കൂട്ടുകച്ചവടത്തില്‍ ഇരുവരും തമ്മിലുളള തര്‍ക്കമാണ് സംഭവത്തിന് പിന്നിലെന്ന് പൊലിസ് പറഞ്ഞു. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.