ദമാം: കിഴക്കൻ സഊദിയിലും കൊറോണ വാക്സിൻ വിതരണം ആരംഭിച്ചു. നേരത്തെ റിയാദിന് പിന്നാലെ ജിദ്ദയിലും വിതരണം ആരംഭിച്ചിരുന്നു. ഇതിന് പിറകെയാണ് കിഴക്കൻ പ്രവിശ്യ കേന്ദ്രമായ ദമാമിലും വാക്സിൻ വിതരണം ആരംഭിച്ചത്. ഫൈ​സ​ർ വാ​ക്​​സി​ൻ കു​ത്തി​വെ​പ്പി​നു​ള്ള സഊ​ദി​യി​ലെ മൂ​ന്നാ​മ​ത്തെ കേ​ന്ദ്ര​മാ​ണിത്. ​തിങ്ക​ളാ​ഴ്​​ച രാവി​ലെ ദ​ഹ്​​റാ​നി​ലെ ഫെ​യ​ർ ഗ്രൗ​ണ്ടി​ൽ പ്ര​ത്യേ​കം ത​യാ​റാ​ക്കി​യ ക്ലി​നി​ക്കി​ൽ ​കിഴക്ക​ൻ പ്ര​വി​ശ്യ ഗ​വ​ർ​ണ​ർ സ​ഉ​ദ്​ ബി​ൻ നാ​യി​ഫ് രാജകുമാരനാണ് ആദ്യ ഡോസ് സ്വീകരിച്ചത്.

      രാജ്യ​ത്തെ ​കൊ​വി​ഡ്​ മ​ഹാ​മാ​രി​യി​ൽ​നി​ന്ന്​ മു​ക്ത​മാ​ക്കാ​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​യി രണ്ടാ​ഴ്​​ച​ക​ൾ​ക്കു​ മു​മ്പ്​ റി​യാ​ദി​ലാ​ണ്​ വാ​ക്​സി​ൻ കു​ത്തി​വെ​പ്പി​ന്​ തു​ട​ക്കം​കു​റി​ച്ച​ത്. സഊദി കി​രീ​ടാ​വ​കാ​ശി മു​ഹ​മ്മ​ദ്​ ബി​ൻ സ​ൽ​മാ​ൻ രാജകുമാരൻ ആഭ്യന്തര മന്ത്രി അബ്ദുൽ അസീസ് രാജകുമാരൻ ഉൾപ്പെടെ നിരവധി പ്രമുഖർ വാക്സിൻ ആദ്യ ഡോസ് സ്വീകരിച്ചവരിൽ ഉൾപ്പെടും.

       കിരീടവകാശിയുടെ വാക്സിൻ കുത്തിവെപ്പിന് ശേഷം വാക്സിൻ സ്വീകരിക്കാനുള്ള ഓൺലൈൻ രജിസ്ട്രേഷൻ അഞ്ചു മടങ്ങ് വർധിച്ചത് ശ്രദ്ധേയമായ വാർത്തയായിരുന്നു. ആരോഗ്യ മന്ത്രാലയത്തിന്റെ കീഴിലുള്ള 'സിഹതി' ആപ് വഴി വളരെ എളുപ്പത്തിൽ ഏവർക്കും വാക്സിൻ സ്വീകരിക്കാനുള്ള രജിസ്ട്രേഷൻ നടത്താനാകും. രാജ്യത്തെ വിദേശികളടക്കം മുഴുവൻ ആളുകൾക്കും വാക്സിൻ സൗജന്യമാണ്.