കോഴിക്കോട്: വനിതാ ലീഗ് സംസ്ഥാന കമ്മിറ്റി സംഘടിപ്പിക്കുന്ന 'ഐജിസിയ 2' മലബാര്‍ സോണല്‍ ലീഡേഴ്‌സ് മീറ്റ് നാളെ കോഴിക്കോട് ലീഗ് ഹൗസില്‍ നടക്കും. മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ് ഉദ്ഘാടനം ചെയ്യും. സംസ്ഥാന സെക്രട്ടറി സി.പി ചെറിയ മുഹമ്മദ്, കെ.എം ഷാജി എം.എല്‍.എ, എസ്.ടി.യു ദേശീയ ജനറല്‍ സെക്രട്ടറി അഡ്വ. എം. റഹ്മത്തുല്ല പ്രസംഗിക്കും. വനിതാ ലീഗ് സംസ്ഥാന പ്രസിഡന്റ് സുഹറ മമ്പാട് അധ്യക്ഷത വഹിക്കും. കാസര്‍കോട് മുതല്‍ തൃശൂര്‍ വരെയുള്ള ജില്ലാ വനിതാലീഗ് ഭാരവാഹികള്‍, മണ്ഡലം വനിതാ ലീഗ് പ്രസിഡന്റ്, ജനറല്‍ സെക്രട്ടറി, ട്രഷറര്‍ തുടങ്ങിയവരാണ് മലബാര്‍ സോണല്‍ ലീഡേഴ്‌സ് മീറ്റില്‍ പങ്കെടുക്കേണ്ടത്. തെക്കന്‍ മേഖല സോണല്‍ ലീഡേഴ്‌സ് മീറ്റ് ഓഗസ്റ്റില്‍ എറണാകുളത്തു നടക്കും.