ഇടുക്കി: ഇടുക്കിയിലും മലപ്പുറത്തും പ്രഖ്യാപിച്ചിരുന്ന റെഡ് അലര്‍ട്ട് പിന്‍വലിച്ചു. രണ്ടു ജില്ലകളില്‍ റെഡ് അലര്‍ട്ട് ഓറഞ്ച് അലര്‍ട്ടാക്കി. ന്യൂനമര്‍ദം വടക്കു പടിഞ്ഞാറെ ദിശയിലേക്ക് മാറിയതിനാലാണ് റെഡ് അലര്‍ട്ട് പിന്‍വലിച്ചത്.

ശക്തമായ മഴയുണ്ടാകുമെന്ന കാലാവസ്ഥാ നിരീക്ഷണ കേന്ദ്രത്തിന്റെ പ്രവചനമനുസരിച്ചാണ് നേരത്തെ രണ്ടു ജില്ലകളിലും റെഡ് അലര്‍ട്ട് പ്രഖ്യാപിച്ചിരുന്നത്.

ഞായറാഴ്ച 24 മണിക്കൂറും 21 സെന്റിമീറ്റര്‍ വരെ മഴ പെയ്യാം എന്ന പ്രവചനമനുസരിച്ചാണ് റെഡ് അലര്‍ട്ട് ഇരു ജില്ലകളിലും പ്രഖ്യാപിച്ചത്.