ഭുവനേശ്വര്‍: കോടികളുടെ ആസ്തിയുള്ള റിട്ട. അധ്യാപകന്റെ വീട്ടില്‍ വിജിലന്‍സ് റെയ്ഡ്. 2005ല്‍ സര്‍വിസില്‍ കയറിയ സുബ്രത് കുമാര്‍ ചൗധരി ഇക്കഴിഞ്ഞ ജൂണില്‍ സര്‍വിസില്‍നിന്ന് വളണ്ടറി റിട്ടയര്‍മെന്റ് വാങ്ങി പിരിയുകയായിരുന്നു. എന്നാല്‍ ഇയാള്‍ക്ക് 6.5 കോടി രൂപയുടെ ആസ്തിയുണ്ടെന്ന് കണ്ടെത്തിയാണ് വിജിലന്‍സ് റെയ്ഡ് നടത്തിയത്. പ്രധാനമന്ത്രി കൗശല്‍ വികാസ് യോജനയുടെ ഭാഗമായി ജനങ്ങള്‍ക്ക് സേവനം ചെയ്ത ഇയാള്‍ അനധികൃതമായി പണം ഉണ്ടാക്കിയെന്ന് കണ്ടെത്തിയിട്ടുണ്ടെന്ന് വിജിലന്‍സ് പറഞ്ഞു.