തൂനിസ്: തുനീഷ്യയുടെ പ്രസിഡന്റും ആദ്യത്തെ തെരഞ്ഞെടുക്കപ്പെട്ട നേതാവുമായ മുഹമ്മദ് ബാജീ ഖാഇദ് അസ്സബ്‌സി അന്തരിച്ചു. 92 വയസ്സായിരുന്നു. നീണ്ടകാലം ഭരിച്ച ഏകാധിപതി സൈനുല്‍ ആബിദീന്‍ ബിന്‍ അലിക്കു ശേഷം 2011ല്‍ പ്രധാനമന്ത്രിയായ അസ്സബ്‌സിയാണ് രാജ്യത്തിന് മൗലികാവകാശങ്ങളും തെരഞ്ഞെടുപ്പും അനുവദിക്കുന്ന ജനാധിപത്യ ഭരണഘടന തയാറാക്കാന്‍ മുന്‍കൈയെടുത്തത.് 2015ല്‍ തുനീഷ്യയിലെ സിവില്‍ സൊസൈറ്റി സംഘടനകള്‍ക്ക് സമാധാനത്തിനുള്ള നോബല്‍ സമ്മാനം ലഭിച്ചതും ഇദ്ദേഹത്തിന്റെ നേതൃപാടവം മൂലമായിരുന്നു.