മനാമ: ബഹ്‌റൈനില്‍ ബിസിനസുകാരനായ മലയാളിയുടെ വീട്ടില്‍ കവര്‍ച്ച.  ഉമ്മല്‍ഹസം പ്രവിശ്യയിലെ താമസിക്കുന്ന  പാലക്കാട് സ്വദേശിയായ സിദ്ദിഖിന്റെ വീട്ടിലാണ് കവര്‍ച്ച നടന്നത്.
വീടിന്റെ പിന്‍വശത്തുള്ള വാതില്‍ തകര്‍ത്ത് അകത്തുകടന്ന മോഷ്ടാക്കള്‍ മുകളിലെ നിലയില്‍ സൂക്ഷിച്ചിരുന്ന 400 ദിനാറാണ് മോഷ്ടിച്ചത്. വൈകിട്ട് സിദ്ദിഖും കുടുംബവും പുറത്തുപോയ നേരത്താണ് കവര്‍ച്ച നടന്നതെന്ന് കരുതുന്നു. ബഹ്‌റൈന്‍ പൊലിസിന്റെ നേതൃത്വത്തില്‍ പ്രതികള്‍ക്കായുള്ള അന്വേഷണം ആരംഭിച്ചു.