പത്താന്‍കോട്്: പഞ്ചാബിലെ പത്താന്‍കോട്ടില്‍ സംശയകരമായ സാഹചര്യത്തില്‍ അജ്ഞാത ബാഗ് കണ്ടെത്തി. ഇതേതുടര്‍ന്ന് ജില്ലയില്‍ അതീവ ജാഗ്രതക്ക് പൊലിസ് നിര്‍ദേശം നല്‍കി. വ്യോമ സേനാ താവളത്തിനും പരിസര പ്രദേശങ്ങളിലും സൈന്യവും കമാന്‍ഡോകളും നടത്തിയ തിരച്ചിലിലാണ് ചാക്കില്‍ ഒളിപ്പിച്ച ബാഗ് കണ്ടെത്തിയത്.
ജമ്മു എന്ന് എഴുതിയ മൂന്ന് സൈനിക യൂണിഫോമുകള്‍ ബാഗിനുള്ളില്‍ നിന്ന് കണ്ടെത്തി. സുരക്ഷ ഉദ്യോഗസ്ഥര്‍ ഇതുസംബന്ധിച്ച് കൂടുതല്‍ അന്വേഷണം നടത്തിവരികയാണ്.ഈ മാസം നാലിനും ഇതേ രീതിയില്‍ രണ്ട് ബാഗുകള്‍ കണ്ടെത്തിയിരുന്നു. ഇവ രണ്ടും പത്താന്‍കോട്ട് വ്യോമ കേന്ദ്രത്തിന് സമീപത്തു നിന്നായിരുന്നു കണ്ടെത്തിയിരുന്നത്. കഴിഞ്ഞവര്‍ഷം ജനുവരിയിലാണ് പത്താന്‍ കോട്ട് വ്യോമ താവളത്തിന് നേരെ ഭീകരര്‍ ആക്രമണം നടത്തിയത്.