വാഷിങ്ടണ്‍: 28 ശതമാനം ഇന്ത്യക്കാര്‍ക്ക് അധികമായി അമേരിക്ക വിസ നല്‍കിയപ്പോള്‍ 40 ശതമാനം പാക് പൗരന്മാരുടെ വിസാ അപേക്ഷകള്‍ തള്ളി. ഡൊണാള്‍ഡ് ട്രംപ് അധികാരത്തിലെത്തിയ ശേഷമുള്ള കണക്കുകളിലാണ് ഈ വിവരങ്ങള്‍. മാര്‍ച്ച്, ഏപ്രില്‍ മാസങ്ങളിലാണ് ഇന്ത്യക്കാര്‍ക്ക് വ്യാപകമായി വിസ അനുവദിച്ചത്. എന്നാല്‍ ഈ കാലയളവില്‍ പാകിസ്താനികളുടെ വിസാ അപേക്ഷകളില്‍ 40 ശതമാനം യു.എസ് തള്ളി. 2016ലെ മാസാന്ത ശരാശരി നോക്കുമ്പോഴാണിതെന്ന് യു.എസ് സ്റ്റേറ്റ് ഡിപ്പാര്‍ട്‌മെന്റ് കണക്കുകള്‍ ഉദ്ധരിച്ച് പാകിസ്താന്‍ മാധ്യമങ്ങള്‍ റിപ്പോര്‍ട്ട് ചെയ്തു.
ഏപ്രിലില്‍ പാകിസ്താനികള്‍ക്ക് 3,925 നോണ്‍ എമിഗ്രന്റ് വിസകളും മാര്‍ച്ചില്‍ 3,973 വിസകളുമാണ് യു.എസ് അനുവദിച്ചത്.