ആലപ്പുഴ: അഖിലേന്ത്യാ കിസാന്‍സഭ സംസ്ഥാന സമ്മേളനം ആലപ്പുഴയില്‍ സെപ്തംബര്‍ 29, 30, ഓഗസ്റ്റ് ഒന്ന് തിയതികളില്‍ നടക്കും. സമ്മേളനത്തിന്റെ വിജയകരമായ നടത്തിപ്പിനായി സ്വാഗതസംഘം രൂപീകരിച്ചു.
സ്വാഗതസംഘ രൂപീകരണയോഗം സംസ്ഥാന ജനറല്‍ സെക്രട്ടറി സത്യന്‍ മൊകേരി ഉദ്ഘാടനം ചെയ്തു.  കിസാന്‍സഭ സംസ്ഥാന പ്രസിഡന്റ് വി ചാമുണ്ണി അധ്യക്ഷനായി. ആലപ്പുഴ ജില്ലാ സെക്രട്ടറി എന്‍ സുകുമാരപിള്ള സ്വാഗതം പറഞ്ഞു. സി.പി.ഐ സംസ്ഥാന എക്‌സിക്യൂട്ടീവ് അംഗങ്ങളായ ടി പുരുഷോത്തമന്‍, പി പ്രസാദ്, കിസാന്‍സഭ നേതാക്കളായ എന്‍  രവീന്ദ്രന്‍, ജോയിക്കുട്ടി ജോസ്, സി .പി .ഐ ജില്ലാ സെക്രട്ടറി ടി .ജെ ആഞ്ചലോസ്, എ ശിവരാജന്‍, പി.വി സത്യനേശന്‍, പി ജ്യോതിസ്, അഡ്വ. ജി കൃഷ്ണപ്രസാദ്, അഡ്വ. വി മോഹന്‍ദാസ്, വി.എം ഹരിഹരന്‍ സംസാരിച്ചു.