കൊച്ചി: എറണാകുളം ജില്ലയില്‍  മുസ്‌ലിം ഏകോപന സമിതിയുടെ ഹര്‍ത്താല്‍  ആരംഭിച്ചു. ഹാദിയ വിഷയത്തില്‍ പ്രതിഷേധിച്ച് മുസ്‌ലിം ഏകോപന സമിതി സംഘടിപ്പിച്ച ഹൈക്കോടതി
മാര്‍ച്ചിനു നേരെ പൊലിസ് ലാത്തിച്ചാര്‍ജ് നടത്തിയതില്‍ പ്രതിഷേധിച്ചാണ് ഹര്‍ത്താല്‍.

പ്രതിഷേധ മാര്‍ച്ച് ഹൈക്കോടതി കവാടത്തിനു മുന്‍പ് സെന്റ് ആല്‍ബര്‍ട്ട് കോളേജിനു സമീപത്തുവെച്ച് പൊലിസ് ബാരിക്കേഡ് കെട്ടി തടയാന്‍ ശ്രമിച്ചു. എങ്കിലും ബാരിക്കേഡ് തകര്‍ത്ത് മുന്നോട്ട് വന്ന പ്രവര്‍ത്തകര്‍ റോഡില്‍ കുത്തിയിരുന്ന് പ്രതിഷേധിച്ചു. ഇതേ തുടര്‍ന്ന് പൊലിസ് ജലപീരങ്കി പ്രയോഗിക്കുകയും ലാത്തി വീശുകയും ചെയ്തിരുന്നു.