അബുദാബി: എസ് കെ എസ് എസ് എഫ് അബുദാബിയുടെ പ്രസാധക വിഭാഗമായ തമര്‍ പബ്ലിക്കേഷന്‍സ് പുറത്തിറക്കിയ സയ്യിദ് അബ്ദുല്‍ റഹ്മാന്‍ തങ്ങള്‍ രചിച്ച 'വിശുദ്ധിയുടെ സഞ്ചാര ഭൂമിയില്‍ ' പുസ്തക പ്രകാശനം അബുദാബി ഇന്ത്യന്‍ ഇസ്‌ലാമിക് സെന്ററില്‍ വെച്ച് അബ്ദുസ്സമദ് സമദാനി യു എ ഇ എക്‌സ്‌ചേഞ്ച് സെന്റര്‍ പ്രസിഡന്റ് വൈ സുധീര്‍ കുമാര്‍ ഷെട്ടിക്കു നല്‍കി നിര്‍വഹിച്ചു. തമര്‍ പബ്ലിക്കേഷന്‍സിന്റെ ആദ്യ പുസ്തകം എസ് വി മുഹമ്മദ് അലിയുടെ ഈസി പാരന്റിംഗിനു വന്‍ പിന്തുണയാണ് വായനക്കാരില്‍ നിന്നും ലഭിച്ചത്.

പുസ്തകത്തിന്റെ വിതരണം ഇസ ബുക്‌സ് കോഴിക്കോട് ആണ് നിര്‍വഹിക്കുന്നത്. രചയിതാവ് സയ്യിദ് അബ്ദുറഹിമാന്‍ തങ്ങള്‍, സയ്യിദ് റഫീഖുദ്ധീന്‍ തങ്ങള്‍, ഇബ്രാഹിം മുസ്‌ലിയാര്‍, സാബിര്‍ മാട്ടൂല്‍ ,ഷാഫി വെട്ടിക്കാട്ടിരി, അബ്ദുള്ള നദ്‌വി, ഡോ അബ്ദുള്ള ഫാറൂഖി, അബ്ദുല്‍ ഖാദര്‍ ഒളവട്ടൂര്‍, ഹാശിര്‍ വാരം, ഇസ്മായില്‍ അഞ്ചില്ലത്ത്, സജീര്‍ ഇരിവേരി എന്നിവര്‍ സംബന്ധിച്ചു.