ശ്രീനഗര്‍: തദ്ദേശ സ്വയംഭരണ തെരഞ്ഞെടുപ്പിന്റെ ഒന്നാംഘട്ടം ഇന്ന് നടക്കാനിരിക്കെ ജമ്മുകശ്മിരില്‍ സുരക്ഷ ശക്തമാക്കി. തെരഞ്ഞെടുപ്പ് സുഗമമായി നടത്തുന്നതിനായി പൊലിസിന് പുറമെ സൈനിക-അര്‍ധ സൈനിക വിഭാഗങ്ങളെ നിയോഗിച്ചിട്ടുണ്ട്. വോട്ടിങ് കേന്ദ്രങ്ങളിലേക്ക് വരുന്ന വാഹനങ്ങളുള്‍പ്പെടെ കര്‍ശന പരിശോധനക്ക് വിധേയമാക്കുന്നുണ്ട്. നിരവധി വാഹന പരിശോധനാ കേന്ദ്രങ്ങള്‍ സജ്ജീകരിച്ചിട്ടുണ്ട്. ഡോഗ് സ്‌ക്വാഡുകളെയും നിയോഗിച്ചിട്ടുണ്ട്.
മത്സരാര്‍ഥികള്‍ക്കും സുരക്ഷ ശക്തമാക്കിയിട്ടുണ്ട്. കശ്മിര്‍ താഴ്‌വര പൂര്‍ണമായും സുരക്ഷാ വലയത്തിലാണെന്ന് സി.ആര്‍.പി.എഫ് ഇന്‍സ്‌പെക്ടര്‍ ജനറല്‍ രവിദീപ് സിങ് സാഹി അറിയിച്ചു.