കല്‍പ്പറ്റ: എസ്.എഫ്.ഐ ജില്ലാ കമ്മിറ്റിയുടെ നേതൃത്വത്തില്‍ ചെഗുവേര പഠനസ്‌കൂള്‍ ഉദ്ഘാടനവും ഏകദിന വര്‍ഷാരംഭ ശില്‍പ്പശാലയും സംഘടിപ്പിച്ചു.
ജൂണ്‍ അഞ്ച് പരിസ്ഥിതി ദിനത്തില്‍ വീഴുന്നിടത്ത് താഴട്ടെ മഴ എന്ന മുദ്രാവാക്യത്തില്‍ ജില്ലയില്‍ വിവിധ യൂനിറ്റുകളിലായി 25000 മഴക്കുഴികള്‍ നിര്‍മിക്കുമെന്നും ചെഗുവേര പഠനസ്‌കൂളിന്റെ ഭാഗമായി പഠനക്ലാസുകള്‍ സംഘടിപ്പിക്കുമെന്നും എസ്.എഫ്.ഐ അറിയിച്ചു.
പരിപാടിയുടെ ഉദ്ഘാടനം എസ്.എഫ്.ഐ സംസ്ഥാന സെക്രട്ടറിയേറ്റ് അംഗം എം.എസ് ഫെബിന്‍ നിര്‍വഹിച്ചു. ജില്ലാ ജോ.സെക്രട്ടറി അര്‍ജുന്‍ ഗോപാല്‍ അധ്യക്ഷനായി. കെ.ജെ ഹരികൃഷണന്‍, അജ്‌നാസ് അഹമ്മദ്, പി അഖില്‍ സംസാരിച്ചു. ജില്ലാ സെക്രട്ടറി ജോബിസണ്‍ ജെയിംസ് സ്വാഗതവും കെ.എസ് ഹരിശങ്കര്‍ നന്ദിയും പറഞ്ഞു.