മൂവാറ്റുപുഴ: ജില്ലാ പഞ്ചായത്ത് വാളകം ഡിവിഷന്‍ കുടുംബശ്രീ ശില്‍പശാല ഇന്ന് രാവിലെ 10ന് വാളകം പഞ്ചായത്ത് കമ്മ്യൂണിറ്റി ഹാളില്‍ നടക്കും. ശില്‍പശാലയില്‍ ഡിവിഷന് കീഴില്‍ വരുന്ന വാളകം, പായിപ്ര, മാറാടി പഞ്ചായത്തുകളിലെ കുടുബശ്രീ അംഗങ്ങളുടെ പ്രവര്‍ത്തനങ്ങള്‍ക്ക് പുതിയ ദിശാമുഖം നല്‍കുന്ന നൂതന ആശയങ്ങളും പദ്ധതികളുടെ അവതരണവും നടക്കും.
ശില്‍പശാല എല്‍ദോ എബ്രഹാം എം.എല്‍.എ ഉദ്ഘാടനം ചെയ്യും. ജില്ലാ പഞ്ചായത്ത് മെമ്പര്‍ എന്‍ അരുണ്‍ അധ്യക്ഷത വഹിക്കും. പടരുന്ന ലഹരിയും തകരുന്ന കുടുംബവും സ്ത്രീ സുരക്ഷ എന്നവിഷയത്തില്‍ മുവാറ്റുപുഴ സര്‍ക്കിള്‍ ഇന്‍സ്‌പെക്ടര്‍ സി ജയകുമാര്‍ ക്ലാസെടുക്കും.