ഇസ്‌ലാമാബാദ്: പാക്- അഫ്ഗാന്‍ അതിര്‍ത്തിയില്‍പ്പെട്ട സംഘര്‍ഷഭരിതമായ നോര്‍ത്ത് വസീറിസ്താനില്‍ ആറുപാകിസ്താന്‍ സൈനികര്‍ കൊല്ലപ്പെട്ടു. നോര്‍ത്ത് വസീറിസ്താനിലെ ഗുര്‍ബസ് പ്രദേശത്ത് പട്രോളിങ് നടത്തുകയായിരുന്ന സൈനികര്‍ക്കു നേരെ ഭീകരര്‍ ആക്രമണം നടത്തുകയായിരുന്നുവെന്ന് പാക് അധികൃതര്‍ അറിയിച്ചു. ഹവില്‍ദാര്‍ ഖാലിദ്, ശിപായ്മാരായ നവീദ്, ബചാല്‍, അലി റാസ, മുഹമ്മദ് ബാബര്‍, അഹ്‌സാന്‍ എന്നിവരാണ് കൊല്ലപ്പെട്ടത്.