തിരൂര്‍: റിയല്‍ എസ്‌റ്റേറ്റ് വ്യാപാരിയെ തട്ടിക്കൊണ്ടുപോയി മോചനദ്രവ്യം ആവശ്യപ്പെട്ട സംഭവത്തില്‍ അറസ്റ്റിലായവരുടെ ദൃശ്യങ്ങള്‍ പകര്‍ത്തിയതിന് മാധ്യമപ്രവര്‍ത്തകര്‍ക്കെതിരേ പ്രതികളുടെ ഭീഷണി.
തിരൂര്‍ ജില്ലാ ആശുപത്രിയില്‍ വൈദ്യപരിശോധനക്കെത്തിച്ചപ്പോഴാണ് സംഭവം. ഇന്നലെ ഉച്ചയ്ക്ക് 12.30 ഓടെയായിരുന്നു വൈദ്യ പരിശോധന. ഫോട്ടോ പ്രസിദ്ധീകരിച്ചാല്‍ വിവരമറിയുമെന്നായിരുന്നു ഭീഷണി. അറസ്റ്റിലായ നൗഫല്‍, ഷമീര്‍ എന്നിവരാണ് പ്രത്യാഘാതമുണ്ടാകുമെന്ന് ഭീഷണിപ്പെടുത്തിയത്. ഇവര്‍ പൊലിസ് ഉദ്യോഗസ്ഥരുടെ സാന്നിധ്യത്തില്‍ മാധ്യമപ്രവര്‍ത്തകരുടെ ഫോട്ടോയെടുക്കുകയും ചെയ്തു.