കൊളത്തൂര്‍: കുന്തിപുഴയില്‍നിന്നു അനധികൃതമായി മണല്‍ക്കടത്തിന് ഉപയോഗിച്ചിരുന്ന മണല്‍ തോണി പിടികൂടി. കൊളത്തൂര്‍, കൊപ്പം പൊലിസ് സംയുക്തമായി നടത്തിയ പരിശോധനയിലാണ് ചെമ്മല കടവില്‍നിന്നു തോണി പിടികൂടിയത്.
പിടികൂടിയ തോണി മണ്ണുമാന്തിയന്ത്രം ഉപയോഗിച്ച് നശിപ്പിച്ചു. കൊളത്തൂര്‍ എസ്.ഐ സി.കെ നൗഷാദ്, കൊപ്പം എസ്.ഐ രാജേഷ് എന്നിവരുടെ നേതൃത്വത്തിലുള്ള സംഘമാണ് കടവുകളില്‍ പരിശോധന നടത്തിയത്. കഴിഞ്ഞ രണ്ടണ്ടാഴ്ചക്കിടെ വിവിധ കടവുകളില്‍ നിന്നായി മൂന്ന് ടിപ്പര്‍ ലോറികള്‍ പിടികൂടിയിരുന്നു. മണല്‍ കടത്തിനെതിരേ തുടര്‍ന്നും കര്‍ശനനടപടി സ്വീകരിക്കുമെന്ന് കൊളത്തൂര്‍ എസ്.ഐ അറിയിച്ചു.