ചെങ്ങന്നൂര്‍: മാന്നാറില്‍ പരുമല ജങ്ഷനില്‍ പ്രവര്‍ത്തിക്കുന്ന ജ്വല്ലറിക്ക് തീപിടിച്ചു. ഷോര്‍ട്ട് സര്‍ക്യൂട്ടാണ് അപകട കാരണമെന്നാണ് നിഗമനം. പുളിമൂട്ടില്‍ ജ്വല്ലറിയിലാണ് തിപിടിത്തമുണ്ടായത്. കട പൂര്‍ണമായി കത്തി നശിച്ചു. ആളപായമില്ല.
ഞായറാഴ്ച വൈകിട്ട് മൂന്ന് മണിയോടെയായിരുന്നു അപകടമുണ്ടായത്. കട അവധിയായിരുന്നു. കടയ്ക്കുള്ളില്‍ നിന്ന് തീയും പുകയും ഉയരുന്നത് ശ്രദ്ധിയില്‍പ്പെട്ട നാട്ടുകാര്‍ വിവരമറിയിച്ചതിനെ തുടര്‍ന്ന് അഗ്നിരക്ഷാ സേനയും പൊലിസുമെത്തി തീയണച്ചു.