ദോഹ: വര്‍ത്തമാനകാല വെല്ലുവിളികളെ നേരിടാന്‍ അരാഷ്ട്രീയത്തിനും തീവ്രവാദത്തിനും എതിരേ ബോധവല്‍ക്കരണം അനിവാര്യമാണെന്ന് അബ്ദുസമദ് പൂക്കോട്ടൂര്‍. നേരിന്റെയും സംയമനത്തിന്റെയും വഴിയില്‍ മുസ്‌ലിംലീഗ് സംഘടിച്ചതിന്റെ ചരിത്ര നേട്ടം പുതിയ തലമുറയെ ബോധ്യപ്പെടുത്തേണ്ടതുണ്ടെന്നും അദ്ദേഹം പറഞ്ഞു. ഒറ്റപ്പാലം മണ്ഡലം ഖത്തര്‍ കെ.എം.സി.സി സംഘടിപ്പിച്ച ജാരിയ 2017 പൊതു സമ്മേളനത്തില്‍ മുഖ്യ പ്രഭാഷണം നടത്തുകയായിരുന്നു അദ്ദേഹം. കെ.എം.സി.സി സംസ്ഥാന പ്രസിഡന്റ്് എസ്.എ.എം ബഷീര്‍ ഉദ്ഘാടനം ചെയ്തു.
മികച്ച ജീവകാരുണ്യ പ്രവര്‍ത്തകരായ അബുല്‍ ലത്തീഫ് ആലായന്‍, കെ.വി അബ്ദുസലാം ലക്കിടി എന്നിവര്‍ക്കുള്ള ഉപഹാരം സലിം നാലകത്ത്, പി.എം നാസര്‍ ഫൈസി എന്നിവര്‍ കൈമാറി. 37 വര്‍ഷത്തെ പ്രവാസ ജീവിതം പൂര്‍ത്തിയാക്കിയ അബ്ദുല്ല ചക്കംകുണ്ടിലിനുള്ള ഉപഹാരം സംസ്ഥാന വൈസ് പ്രസിഡന്റ് എ.വി.എ ബക്കര്‍ കൈമാറി.
മണ്ഡലം കെ.എം.സി.സി യുടെ കുടിവെള്ള പദ്ധതിയിലേക്കുള്ള ഫണ്ട് കെ.പി മുഹമ്മദലി ജാസ്‌കോ ഗ്രൂപ്പ്, ബീരാന്‍ കുട്ടി അല്‍മഫ്ത്തൂല്‍, അബ്ദുല്ല ശരീഫ് മാത്തക്കല്‍ ബല്‍സാം ഗ്രൂപ്പ്, ഷമീര്‍ സറീന്‍ ഗോള്‍ഡ് എന്നിവര്‍ കൈമാറി. അബ്ദുനാസര്‍ നാച്ചി, കെ.പി മുഹമ്മദലി, കെ.വി മുഹമ്മദ്, അബ്ദുല്‍ ലത്തീഫ്, അന്‍ഷാദ് , പി. ഹനീഫ ബക്കര്‍, അബ്ദുല്‍ റസാക്ക് ഒറ്റപ്പാലം, മുഹമ്മദലി മുരിക്കുംപറ്റ സംസാരിച്ചു.