ജറൂസലം: ഇറാന്റെ ബാലിസ്റ്റിക് മിസൈലുകളുടെ ഭീഷണി നേരിടാനായി അത്തരം മിസൈലുകളെ തകര്‍ക്കുന്ന ആരോ-3 മിസൈല്‍ ഇസ്‌റാഈലും യു.എസും സംയുക്തമായി പരീക്ഷിച്ചു. യു.എസിലെ അലാസ്‌കയില്‍ നടന്ന പരീക്ഷണം വിജയകരമായിരുന്നെന്നും അന്തരീക്ഷത്തിലെ ലക്ഷ്യത്തെ തകര്‍ക്കാന്‍ മിസൈലിനായെന്നും ഇസ്‌റാഈല്‍ പ്രതിരോധമന്ത്രാലയം പറഞ്ഞു. ഇനി ഇറാനില്‍ നിന്നോ മറ്റോ അയക്കുന്ന ബാലിസ്റ്റിക് മിസൈലുകളെ പേടിക്കേണ്ട കാര്യമില്ലെന്ന് ഇസ്‌റാഈല്‍ പ്രധാനമന്ത്രി നെതന്യാഹു പറഞ്ഞു.