ജിദ്ദ: സഊദിയിലെ തൊഴില്‍ നിയമ മാര്‍ഗനിര്‍ദേശങ്ങള്‍ മലയാളം ഉള്‍പ്പെടെയുള്ള ഭാഷകളില്‍. വിമാനത്തിലും ഇത് വിതരണം ചെയ്യും. തൊഴില്‍ തേടി സഊദിയിലേക്ക് പോകുന്നവര്‍ക്ക് സഊദി എയര്‍ലൈന്‍സ് വിമാനങ്ങളിലാണ് തൊഴില്‍ മന്ത്രാലയം പുതിയ സംവിധാനം ഒരുക്കുന്നത്.
തൊഴിലാളികളുടെ അവകാശങ്ങളും അറിഞ്ഞിരിക്കേണ്ട പ്രധാന കാര്യങ്ങളുമാണ് വിഡിയോ പ്രസന്റേഷനിലൂടെ ഒരുക്കുന്നത്. നിയമം ശക്തിപ്പെടുത്തുക, ആളുകളെ ബോധവല്‍ക്കരിക്കുക എന്നീ ലക്ഷ്യങ്ങളാണ് പുതിയ സംവിധാനത്തിന് പിന്നില്‍. മലയാളത്തിന് പുറമെ ഉര്‍ദു, ഹിന്ദി എന്നീ ഇന്ത്യന്‍ ഭാഷകളും ഇടം നേടിയിട്ടുണ്ട്.