ന്യൂഡല്‍ഹി: ശബരിമലയിലെ സ്ത്രീപ്രവേശനത്തിന് നിയമസാധുത നല്‍കിയ സുപ്രിം കോടതി ഭരണഘടനാ ബഞ്ചിന്റെ വിധിക്കെതിരെ പുനഃപരിശോധന ഹരജി ഫയല്‍ ചെയ്തു. ദേശീയ അയ്യപ്പ ഭക്തജന വനിതാ കൂട്ടായ്മയുടെ പ്രസിഡന്റ് ശൈലജാ വിജയനാണ് ഹരജി സമര്‍പ്പിച്ചത്.

സെപ്തംബര്‍ 28ന് സുപ്രിം കോടതി പുറപ്പെടുവിച്ച വിധി അപ്രായോഗികവും, യുക്തിരഹിതവും ആണെന്ന് അവകാശപ്പെടുന്ന ഹരജി വിധി ലക്ഷക്കണക്കിന് വരുന്ന ഭക്തരുടെ മൗലികാവകാശങ്ങളോടുള്ള ലംഘനമാണെന്നും ചൂണ്ടിക്കാട്ടുന്നു. ജനവികാരം മാനിക്കണമെന്നും ഹരജിയില്‍ ആവശ്യപ്പെടുന്നു.