കൊളംബോ: ശ്രീലങ്കയില്‍ രൂക്ഷമായ പ്രളയത്തില്‍ മരണം 193 ആയി. ആറ് ലക്ഷത്തോളം പേര്‍ക്കാണ് ഇതിനോടകം വീടുകള്‍ നഷ്ടപ്പെട്ടിട്ടുള്ളത്. 112പേര്‍ പരുക്കേറ്റ് ഗുരുതരാവസ്ഥയിലാണ്.
രക്ഷാപ്രവര്‍ത്തനത്തിനായി ഇന്ത്യന്‍ നാവികസേനയുടെ മൂന്ന് കപ്പലുകള്‍ പ്രദേശത്തുണ്ട്. ഒരു ലക്ഷത്തോളം പേരെ സ്ഥിതിഗതികള്‍ ശാന്തമായശേഷം തിരികെ വീടുകളിലേക്ക് മാറ്റിയിട്ടുണ്ട്.
8000ത്തോളം പേര്‍ ഇനിയും പുനരധിവാസ ക്യാംപുകളിലാണ്. 300ഓളം വരുന്ന ഇന്ത്യന്‍ നാവികസേനാംഗങ്ങളാണ് രക്ഷാപ്രവര്‍ത്തനത്തിനായി പ്രദേശത്തുള്ളത്.