മേപ്പയൂര്‍: ശ്രീകണ്ഠമനശാലാ ക്ഷേത്രത്തില്‍ പുതുതായി നിര്‍മിച്ച നടപ്പന്തലിന്റെയും നവീകരിച്ച് ചെമ്പ് പതിച്ച ശ്രീകോവിലിന്റെയും സമര്‍പ്പണം പത്മശ്രീ ഗുരു ചേമഞ്ചേരി കുഞ്ഞിരാമന്‍ നായരും പത്മശ്രീ മീനാക്ഷി അമ്മയും ചേര്‍ന്ന് നിര്‍വഹിച്ചു.
സിനിമാ നടന്‍ ഇല്ലിക്കെട്ട് നമ്പൂതിരി മുഖ്യാതിഥിയായി. ആദ്ധ്യാത്മിക രംഗത്തെ സമഗ്ര സംഭാവനക്കുള്ള ശ്രീകണ്ഠാംബിക പുരസ്‌കാരം രഘു കല്ലൂരിന് ഡോ. പിയൂഷ് എം നമ്പൂതിരിപ്പാട് സമ്മാനിച്ചു. ടി.കെ ബാലകൃഷ്ണന്‍ നായരെ കാട്ടുമാടം അനില്‍ നമ്പൂതിരിപ്പാട് ആദരിച്ചു. കെ. ശ്രീധരന്‍ അധ്യക്ഷനായി. ശ്രീനിലയം വിജയന്‍ റിപ്പോര്‍ട്ട് അവതരിപ്പിച്ചു. ബി.വിനോദ് കുമാര്‍ സ്വാഗതവും സുരേഷ് മാതൃകൃപ നന്ദിയും പറഞ്ഞു. കാഞ്ഞിലശേരി വിനോദ് മാരാറുടെ നേതൃത്വത്തില്‍ 61 മേള വിദഗ്ധര്‍ അണിനിരന്ന പഞ്ചാരിമേളം ശ്രദ്ധേയമായി.