ഛണ്ഡീഗഢ്: കോണ്‍ഗ്രസ് അധ്യക്ഷ സ്ഥാനത്തേക്ക് ഏറ്റവും മികച്ചയാള്‍ പ്രിയങ്കാ ഗാന്ധിയാണെന്ന് പഞ്ചാബ് മുഖ്യമന്ത്രിയും കോണ്‍ഗ്രസ് നേതാവുമായ ക്യാപ്റ്റന്‍ അമരീന്ദര്‍ സിങ്.

'പ്രിയങ്കയാണ് കോണ്‍ഗ്രസ് അധ്യക്ഷ സ്ഥാനത്തേക്ക് ഏറ്റവും യോജിച്ചയാള്‍. പക്ഷെ, അക്കാര്യത്തില്‍ തീരുമാനമെടുക്കേണ്ടത് കോണ്‍ഗ്രസ് പ്രവര്‍ത്തക സമിതിയാണ്'- അമരീന്ദര്‍ സിങ് പറഞ്ഞു.

അധ്യക്ഷ സ്ഥാനത്തു നിന്ന് രാഹുല്‍ ഗാന്ധി രാജിവച്ചതില്‍ അദ്ദേഹം ഖേദം പ്രകടിപ്പിച്ചു. ഇന്ത്യ യുവാക്കളുടെ രാഷ്ട്രമാണെന്നും യുവ നേതാവിനെയാണ് വേണ്ടതെന്നും അമരീന്ദര്‍ സിങ് പറഞ്ഞു.

പ്രിയങ്കയ്ക്ക് പാര്‍ട്ടിയുടെയും പ്രവര്‍ത്തകരുടെയും പിന്തുണ പെട്ടെന്ന് ആര്‍ജ്ജിക്കാനാവുമെന്നും അദ്ദേഹം പറഞ്ഞു.