ലഖ്‌നൗ: ലോക്‌സഭാ തെരഞ്ഞെടുപ്പില്‍ തനിക്കെതിരേ മത്സരിക്കാന്‍ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിക്ക് ബി.ജെ.പി എം.പി സാക്ഷി മഹാരാജിന്റെ വെല്ലുവിളി. അദ്ദേഹത്തോട് പരാജയപ്പെടുകയാണെങ്കില്‍ താന്‍ രാഷ്ട്രീയം ഉപേക്ഷിക്കുമെന്നും സാക്ഷി മഹാരാജ് പറഞ്ഞു.
ഉത്തര്‍പ്രദേശിലെ ഉനാവോ മണ്ഡലത്തില്‍ മത്സരിക്കാനാണ് രാഹുല്‍ ഗാന്ധിയെ അദ്ദേഹം വെല്ലുവിളിച്ചത്. താന്‍ പരാജയപ്പെട്ടാല്‍ രാഷ്ട്രീയം അവസാനിപ്പിക്കുമെന്ന് പറഞ്ഞ മഹാരാജ്, കോണ്‍ഗ്രസ് അധ്യക്ഷന്‍ പരാജയപ്പെട്ടാല്‍ അദ്ദേഹവും ഇതേ മാര്‍ഗം സ്വീകരിച്ച് ഇന്ത്യയില്‍ നിന്ന് ഇറ്റലിയിലേക്ക് പോകുമോയെന്നും ചോദിക്കുന്നു.
രാഹുല്‍ ഗാന്ധി നടത്തിയ മാനസ സരോവര്‍ യാത്രയേയും അദ്ദേഹം വിമര്‍ശിച്ചു. തീര്‍ഥാടനത്തിന് പോകുമ്പോള്‍ വിശുദ്ധിവേണം. അതില്ലാതെയാണ് രാഹുല്‍ പോയതെന്നും സാക്ഷി മഹാരാജ് പറഞ്ഞു.