കോഴിക്കോട്: കെ.എസ്.ഇ.ബി അസിസ്റ്റന്റ് എന്‍ജിനീയറായി വിരമിക്കുന്ന മണലില്‍ മോഹനന് കോഴിക്കോട് ചങ്ങാതിക്കൂട്ടത്തിന്റെ നേതൃത്വത്തില്‍ യാത്രയയപ്പ് നല്‍കി.
കോഴിക്കോട് ടൗണ്‍ഹാളില്‍ നടന്ന ചടങ്ങില്‍ 30 ഫലവൃക്ഷത്തൈകള്‍ നല്‍കിയാണ് യാത്രയയപ്പ് നല്‍കിയത്. വിതരണം ചെയ്ത തൈകള്‍ നഗരത്തിലെ വിവിധ സ്‌കൂളുകളില്‍ പരിസ്ഥിതി ദിനത്തില്‍ പരിസ്ഥിതി പ്രവര്‍ത്തകരുടെ നേതൃത്വത്തില്‍ നടും. ഡോ.എ. അച്യുതന്‍ ഉദ്ഘാടനം ചെയ്തു. പ്രൊഫ. എ.കെ പ്രേമജം, അഡ്വ. എം. രാജന്‍, പ്രൊഫ. കെ. ശ്രീധരന്‍, അബ്ദുല്‍ കരീം, തായാട്ട് ബാലന്‍, ഇരിങ്ങല്‍ കൃഷ്ണന്‍, പി.കെ ബാലകൃഷ്ണന്‍, പി. വാസു, ടി.പി രാജന്‍, ശ്രീവത്സന്‍, എം.ഐ ജോണ്‍സണ്‍, കെ.പി രാജീവന്‍, ഗോപാലകൃഷ്ണന്‍ സംസാരിച്ചു. ശാസ്ത്രസാഹിത്യ പരിഷത്ത് പരിസ്ഥിതി വിഷയസമിതി കണ്‍വീനര്‍ കെ. പ്രഭാകരന്‍ സ്വാഗതവും എന്‍.എം പ്രദീപ്കുമാര്‍ നന്ദിയും പറഞ്ഞു.