കരുനാഗപ്പള്ളി: ഓച്ചിറ റീജന്‍സി ബാറില്‍ ഗുണ്ടാസംഘങ്ങള്‍ ആക്രമണം അഴിച്ച് വിട്ടതിനെ തുടര്‍ന്ന് രണ്ട് പേര്‍ക്ക് പരുക്ക്.
മേമന സ്വദേശികളായ മുകേഷ് (26), വിഷ്ണു (24) എന്നിവര്‍ക്കാണ് പരുക്കേറ്റത്. ഇവരുടെ തലയില്‍ ബിയര്‍ കുപ്പി കൊണ്ട് അടിച്ചു പരുക്കേല്‍പ്പിക്കുകയായിരുന്നു. കഴിഞ്ഞ ദിവസം വൈകിട്ട് 6.30നായിരുന്നു സംഭവം. കടത്തൂര്‍, പുത്തന്‍തെരുവ് സ്വദേശികളായ എട്ട് അംഗ സംഘമാണ് അക്രമണം നടത്തിയത്.
കഴിഞ്ഞ ഓണാഘോഷത്തോടനുബന്ധിച്ചു മേമനയിലുള്ള സംഘവും കടത്തൂര്‍ സംഘവും തമ്മില്‍ ഏറ്റുമുട്ടിയിരുന്നു. ബിയര്‍ കുപ്പി മുകളിലേക്ക് എറിഞ്ഞ് ഭീകരാന്തരീക്ഷം സൃഷ്ടിച്ചാണ് അക്രമണം നടത്തിയത്. രണ്ടു പേരും ഓച്ചിറ പരബ്രഹ്മ ഹോസ്പിറ്റലില്‍ ചികിത്സയിലാണ്. ബാറില്‍ ഗുണ്ടാ ക്രമണം സ്ഥിരമായിരിക്കുകയാണെന്ന് പരാതിയുണ്ട്.
രണ്ടാഴ്ച മുമ്പ് നിരവധി ക്രിമനല്‍ കേസിലെ പ്രതിയായ കണ്ണാടി കിഴക്കതില്‍ ഹരികുമാറിന്റെ നേതൃത്വത്തിലും അക്രമണം നടത്തിയിരുന്നു.