നെയ്യാറ്റിന്‍കര: സ്‌കൂളുകള്‍ കേന്ദ്രീകരിച്ച് കഞ്ചാവ് വില്‍പ്പന നടത്തിവന്ന യുവാവി നെ മാരായമുട്ടം പൊലിസ് അറസ്റ്റ് ചെയ്തു. പെരുങ്കടവിള   ആങ്കോട് ചെക്കാല തോട്ടത്തുപുത്തന്‍വീട്ടില്‍   മധു എന്നുവിളിക്കുന്ന സുരേഷ്‌കുമാറാ(42) ണ്  പിടിയിലായത്.  ഇയാളില്‍നിന്നും 100 ഗ്രാം കഞ്ചാവും പിടിച്ചെടുത്തു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
പേരൂര്‍ക്കട: കഞ്ചാവ്  ഉപയോഗിച്ച യുവാവിനെ വട്ടിയൂര്‍ക്കാവ് പൊലിസ് അറസ്റ്റുചെയ്തു. ഇയാളോടൊപ്പം കസ്റ്റഡിയിലെടുത്ത രണ്ടുപേരെ വിട്ടയച്ചു. കാഞ്ഞിരംപാറ സ്വദേശി അഖില്‍ (20) ആണ് അറസ്റ്റിലായത്. രഹസ്യവിവരത്തിന്റെ അടിസ്ഥാനത്തില്‍കാഞ്ഞിരംപാറയില്‍ ഇന്നലെ വൈകുന്നേരം നടത്തിയ പരിശോധനയ്ക്കിടെയാണ് മൂവര്‍സംഘത്തെ കസ്റ്റഡിയിലെടുത്തത്. പിടിയിലായ രണ്ടു  പേര്‍ അഖിലിന്റെ സുഹൃത്തുക്കളാണെന്നും ഇവരുടെ പക്കല്‍നിന്ന് കഞ്ചാവ് കണ്ടെത്തിയിട്ടില്ലെന്നും പൊലിസ് അറിയിച്ചു. അഖിലിനെ  പിന്നീട് ജാമ്യത്തില്‍ വിട്ടയച്ചു.